I schtand uf re grosse Bühni

Zfriedni Lüt singe mit mir

S isch ganz ä schöne Traum gsi

Doch I verwach und duss wird s hell

So gohts hüffig au im Läbe

Nur isch s dört grad umgekehrt

Was I gseh schlot mir ufs Gmüet

I drei mi in mim Bett und schlof nid i

Refrain

Mini Träum löhn mi nid los

I läb zwüsche Angscht und Zueversicht

Doch solang mir zwei chönne lache

Verlier I d Hoffnig nid und gniess d Momänt mit dir

Mängisch bin I au nur trurig

Wenn I erfahr was alls passiert

Und doch glaub I immer witer

Dass es irgendwie scho guet wird cho

Drum sitz I gärn mit dir am Tisch

Verzell dr alls wo mi bedruckt

Cha wieder lache über öppis Chlises

In so Momänt wird s Läbe liecht

Refrain

Mini Träum löhn mi nid los ...

Zwüsche Chrieg und Katastrophe

Gsehn i vil wo Guets entschtoht

Mensche hälfe, plane, teile

Und schaffe an ere grächtere Wält

Refrain

Mini Träum löhn mi nid los ...

Outro

Ein het gseit d Wält isch ä Bühni und mir spiele unser Stück

Bruno Blunschi – 30.März 2026